Përbërësit për katër persona

• 400 gr Gnocchetti Sardi
• 300 gr Salsiçe
• 200 gr djath Pecorino Sardo
• 50 gr qepë
• 30 gr vaj ulliri ekstra i virgjër
• 300 gr salcë domatesh
• Kripë

Përgatitja

1. Për të përgatitur “malloreddus alla campidanese” fillojmë me përgatitjen e salcës. Qërojmë dhe presim në kubik të vegjël qepën dhe e skuqim ngadalë në një tigan me vajin e ullirit.
2. Ndërkohë i heqim cipën salsiçes. E copëtojmë me duar dhe e bashkojmë me qepën.
3. E rrisim nxehtësinë dhe e skuqim salsiçen për 15 minuta duke e përzier vazhdimisht dhe më pas shtojmë salcën e domateve.
4. E përziejmë përsëri dhe e mbulojmë me kapak dhe e gatuajmë për rreth një orë, me zjarr më të ulët. Në fund nëse duhet e rregullojmë me kripë.
5. Pasi salca të jetë gati ziejmë gnocchi-t sardi ose “malloreddus” në ujë të valuar me kripë.
6. Ndërkohë grijmë djathin pecorino sardo në një tas dhe i shtojmë ujë nga uji ku po ziejnë gnocchi-t. I përziejmë me ndihmën e një përziersi dhe i shtojmë më tepër ujë deri sa të krijohet një masë kremoze.
7. Kullojmë gnocchi-t dhe i bashkojmë me salcën me salsiçe, i përziejmë dhe në fund shtojmë kremin me pecorino.
8.  I përziejmë mirë të gjithë përbërësit dhe shërbejmë malloreddus alla campidanese ende të ngrohta!